An kabotan nin Dios saimo nahaman. Sa saiyang kadunongan ika pinili sa kadaklan. Mga kaluyahan, bakong kaolangan. Mga karahayan,bakong kaipohan. Pinapagkanigong mawaras an balaog nin Makakamhan. An Banal na Espiritu huminilig saimo. Sa saiyang kapangyarihan: ika paladan na linahidan susog sa ladawan ni Jesucristo, an Marhay na Pastor asin Pamayo, tinugon mag-atang kan Cordero, maglingkod sa mga tawo. Ika sa kinaban sarong buhay na tanda kan kahadean nin langit sa daga, An lawog kan pagkamoot nin Ama sa mga dukha, an tingog kan Marhay na Barela, an paglaom kan nagkasala. O Virgen Maria, sinda mo man bantayan. O ina nin mga padi kan Bagong Tipan Magdanay na maimbod sa saiyang pangapodan, mabuhay sa kabanalan, Padi nin Dios sagkod pa man. (2x)
Loading…