Ika-29 na Domingo sa Ordinaryong Panahon, Taon A (Berde).
Inapod kan Dios si Ciro sa saiyang ngaran - sarong hadeng dayo na dai midbid an Kagurangnan. Alagad ginibo siyang instrumento nin Dios nin huli ta mayo nin ibang Dios na makakahiras sa makakangalas Niyang mga gibo. Iyo ini an pinagsasaligan kan bilog na aldaw: an Kagurangnan bakong saro sana sa dakol na kapangyarihan kundi an solong Dios, asin an gabos na ibang pagboot subli sana sa Saiya. Kaya kan prubaran kan mga Fariseo na siodon si Jesus sa pag-oltanan ni Cesar asin kan Dios, sinda mismo an nasiod. Naghagad siya nin salapi, itinuro an ladawan na nakaukit duman, asin sinabihan sinda na iuli ki Cesar an dapat ki Cesar. Itao sa Dios an sa Dios, asin itao ki Cesar and dapat ki Cesar. An salapi igwang ladawan ni Cesar, alagad kita igwang ladawan nin Kagurangnang Dios. Sadit sanang bagay an buhis; an bilog tang buhay an tunay na hinahagad kan Kagurangnan. Nahiling ini ni Pablo sa Tesalonica asin sinabi niya na an pagtubod, pagpapagal nin pagkamoot, pakatagal nin paglaom, asin an pag-atang kan bilog na buhay, an hinagad nin Dios sa satuya. Entrance - Sarong Bagong Awit (Fruto Ramirez, SJ) Kyrie - Kagurangnan, Maherak Ka (Fr Roque Patanao) Gloria - Kamurawayan sa Dios sa Kaitaasan (Fr Roque Patanao) Gospel Acclamation - Pagrokyaw (Fr Roque Patanao) Offertory - An Sadiri Ko (N. Alforte; R. Dolor) Sanctus - Banal (Fr Roque Patanao) Memorial Acclamation - An Pagkagadan (Fr Roque Patanao) Great Amen - Amen (Fr Roque Patanao) Our Father - Ama Niamo (Fr Roque Patanao) Doxology - Huli Ta Saimo Agnus Dei - Cordero kan Dios (Fr Roque Patanao) Communion - Kagurangnan Uya Sako Recessional - Harayo, Harani Man (Fr Noel Alforte; Ronaldo Dolor)
13 songs · 2026
